थाने अजब बनायो भगवान,
खिलौना माटी का,
माटी का माटी का,
माटी का बीरा माटी का,
थाने अजब बणायो भगवान,
खिलौना माटी का।।
दांत दिया रे थाने,
मुखड़े री शोभा,
जीभ दिवि रट राम,
खिलौना माटी का
थाने अजब बणायो भगवान,
खिलौना माटी का।।
पाँव दीया थाने तीर्थ करवा,
हाथ दीया कर दान,
खिलौना माटी का,
थाने अजब बणायो भगवान,
खिलौना माटी का।।
नैन दिया थने दर्शन करवा,
कान दिया सुन ग्यान,
खिलौना माटी का,
थाने अजब बणायो भगवान,
खिलौना माटी का।।
नाक दियो थाने मुखड़ेरी सोभा,
कान दिया सुन ग्यान,
खिलौना माटी का,
थाने अजब बणायो भगवान,
खिलौना माटी का।।
मात पिता गुरु देव री सेवा,
चाहे गंगा से करलो सन्नान,
खिलौना माटी का,
थाने अजब बणायो भगवान,
खिलौना माटी का।।
थाने अजब बनायो भगवान,
खिलौना माटी का,
माटी का माटी का,
माटी का बीरा माटी का,
थाने अजब बणायो भगवान,
खिलौना माटी का।।
“भजन श्रवण सिंह राजपुरोहित द्वारा प्रेषित”
सम्पर्क : +91 9096558244
