तेरे धूणे पे गोरख बाबा,
एक दुखिया आई स,
होरी स लाचार नाथ जी,
अर्जी ल्याई स।।
तू नाथ शिरोमणि होया जगत म,
माया तेरी न्यारी हो,
भगता का साथ निभावे,
पूजे दुनिया सारी हो,
दर प तेरे आण पड़ी या,
अर्जी ल्याई स,
होरी स लाचार नाथ जी,
अर्जी ल्याई स।।
घर म बाजे बांस रात दिन,
मरने आला ढंग होग्या,
ताने सुण सुण गात सुख लिया,
भाग मेरा बाबा क्यूं सोग्या,
बाझ बतावे घर घणबे,
अर्जी ल्याई स,
होरी स लाचार नाथ जी,
अर्जी ल्याई स।।
बाबा किस्मत मेरी जगा दे,
आश मेरी घणी तेरे प,
जे ना सुणी पुकार मेरी तने,
यूं कलंक लगे गा मेरे प,
हाथ जोड़ खड़ी तेरे भवन म,
अर्जी ल्याई स,
होरी स लाचार नाथ जी,
अर्जी ल्याई स।।
दीपक गालव कहण पुगाया,
ना राखी भजन म देरी,
दिनेश भगत कमालपुर आला,
यूं ज्योत जगा रया तेरी,
ना लावे फेर वार बाबा जी,
अर्जी ल्याई स,
होरी स लाचार नाथ जी,
अर्जी ल्याई स।।
तेरे धूणे पे गोरख बाबा,
एक दुखिया आई स,
होरी स लाचार नाथ जी,
अर्जी ल्याई स।।
Upload By – Deepak Galav
9053460307
