सड़का सड़का दिवलीयो,
संजोय भोला सेवक रे,
माताजी रो जोटो लेगा चोरटा,
मैणा माताजी रो जोटो लेगा चोरटा।।
एडा है ऐलान जोटा रा ऐलान,
भोला सेवक रे,
एडा है ऐलान जोटा रा ऐलान,
भोला सेवक रे,
एडा रे ऐलान जोटो रावलो,
एडा रे ऐलान जोटो रावलो,
सबरो जोटा रो पूछ म्हारी जरणी ए,
सबरो जोटा रो पूछ म्हारी जरणी ए,
सोना री सिंगडीया जोटो रावलो,
सोना री सिंगडीया जोटो रावलो।।
ओ सबरा तो जोटा खावे,
घास म्हारी मैया ए,
सबरा तो जोटा खावे,
घास म्हारी मैया ए,
जगदम्बा रो जोटो डोडा एलची,
जगदम्बा रो जोटो डोडा एलची,
सबरा तो जोटा पीये नाडा नाडली,
म्हारी मैया ए,
सबरा तो जोटा पीये नाडा नाडली,
म्हारी मैया ए,
जगदम्बा रो जोटो समुंदा मायने,
जगदम्बा रो जोटो समुंदा मायने।।
ओ सबरा तो जोटा बंधीया,
डोरीया सु माता ए,
सबरा तो जोटा बंधीया,
डोरीया सु माता ए,
जगदम्बा रो जोटो सोना साकली,
जगदम्बा रो जोटो सोना साकली,
मिलगा मिलगा जोटा रा ऐलान,
भोला सेवक रे,
मिलगा मिलगा जोटा रा ऐलान,
भोला सेवक रे,
एडा ऐलान जोटो रावलो,
एडो ऐलान जोटो रावलो।।
ओ बांध्या बांध्या हाथ ने,
पाँव म्हारी मैया ओ,
बांध्या बांध्या हाथ ने,
पाँव म्हारी मैया ए,
बांधी मुखडा ने वाली जीभडी,
बांधी मुखडा ने वाली जीभडी,
आगी आगी मैणा री,
घर नार म्हारी मैया ए,
आगी आगी मैणा री,
घर नार म्हारी मैया ए,
आय भादरिया मे हेलो मारीयो,
आय भादरिया मे हेलो मारीयो।।
ओ सुनजो सुनजो मारोडी,
पुकार माता जरणी ए,
सुनजो सुनजो मारोडी,
पुकार माता जरणी ए,
म्हाने तो देदो अमर चुनडी,
भवानी म्हाने तो देदो अमर चुनडी,
देवु देवु छेडा बंधी जात,
माता जरणी ए,
देवु देवु छेडा बंधी जात,
माता जरणी ए,
ओपतो बनादु म्हारो डिकरो,
ओपतो बनादु म्हारो डिकरो।।
आगी आगी माताजी ने,
दया म्हारी माता ए,
आगी आगी माताजी ने,
दया म्हारी माता ए,
किनो मैणा ने साझो साथडो,
किनो मैणा ने साझो साथडो,
ए खोल्या खोल्या हाथ ने,
पाँव माता जरणी ए,
खोल्या खोल्या हाथ ने,
पाँव माता जरणी ए,
खोली मुखडा ने वाली जीभडी,
खोली मुखडा ने वाली जीभडी।।
एक अरज म्हारी,
मानो म्हारी माता ए,
एक अरज म्हारी,
मानो म्हारी मैया ए,
चरने आया ने सोरा राखजो,
चरने आया ने सोरा राखजो,
अरे लेवु लेवु थारोडो,
नाम माता जरणी ए,
लेवु लेवु थारोडो,
मै नाम माता जरणी ए,
भगत गावेने आप साम्भलो,
भगत गावेने आप साम्भलो।।
बनीयो बनीयो भादरिया मे,
धाम म्हारी माता ए,
बनीयो बनीयो भादरिया मे,
धाम म्हारी माता ए,
सातु बहना संग आवजो,
भवानी सातु बहना संग आवजो,
अरे खेले खोला मे थारे,
खेतलो माँ जरणी,
ए खेले खोला मे थारे,
भेरू माँ जरणी ए,
भगत गावेने आप साम्भलो,
भगत गावेने आप साम्भलो।।
भाटी कुल री भादरिया री,
माँ आयल माता ए,
भाटी कुल री भादरिया री,
माँ आयल माता ए,
दलपत सिंह भाटी ने,
चरना राखजो,
सौरभ कंवर ने,
चरना राखजो,
इन कलयुग मे थारो सहारो,
माता जरणी ए,
इन कलयुग मे थारो सहारो,
माता जरणी ए,
सबरे भगता री विनती साम्भलो,
मैया सबरे भगता री अरजी साम्भलो।।
सड़का सड़का दिवलीयो,
संजोय भोला सेवक रे,
माताजी रो जोटो लेगा चोरटा,
मैणा माताजी रो जोटो लेगा चोरटा।।
गायक – श्याम पालीवाल जी।
प्रेषक – मनीष सीरवी।
(रायपुर जिला पाली राजस्थान)
9640557818
