राम गुण गाओ रे भाई हरी गुण गावो रे भाई

राम गुण गाओ रे भाई,

एक दिन झोलो बाजसी रे,
थोरी कली रे कली रूल जाई,
राम गुण गावो ए भई रे,
हरी गुण गावो रे भाई,
राम नाम प्रताप सु थारी,
आवागमन मिट जाई हा।।

अरे माया देखने मूर्ख बनीयो,
नही करणा अनी आयी,
रे जीवडा नही करणा अनी आयी,
माया देखने मूर्ख बनीयो,
नही करणा अनी आयी,
काल बली रो लागे झपाटो,
काल बली रो लागे झपाटो,
ए मुसा ज्यु ले जाई,
राम गुण गावो ए भई रे,
हरी गुण गावो रे भाई,
राम नाम प्रताप सु थारी,
आवागमन मिट जाई हा।।

ए गज हस्ती चढ राजा जावे,
सोवन पालकी माई,
अरे गज हस्ती चढ राजा जावे,
सोवन पालकी माई,
मना भई सोवन पालकी माई,
ए क्या जानु क्या होवसी रे,
क्या जानु क्या होवसी रे,
ए पाव पलक रे माई,
राम गुण गावो ए भई रे,
हरी गुण गावो रे भाई,
राम नाम प्रताप सु थारी,
आवागमन मिट जाई हा।।

अरे तू जाने मै नही जावुला,
रेवुला जुग रे माई,
अरे तू जाने मै नही जावुला,
रेवुला जुग रे माई जीवडा,
रेवुला जुग रे माई,
ए तेरे सरीका लाखो घलीया,
तेरे सरीका लाखो घलीया,
महाभारत रे माई,
राम गुण गावो ए भई रे,
हरी गुण गावो रे भाई,
राम नाम प्रताप सु थारी,
आवागमन मिट जाई हा।।

अरे मन रे मते कभी नहीं चलना,
नही करना अन्याय,
अरे मन रे मते कभी नहीं चलना,
नही करना अन्याय,
मनवा नही करना अन्याय,
अरे राजा रामजी कहे समझावे,
अरे राजा रामजी कहे समझावे,
अवसर बीतो जाई,
राम गुण गावो ए भई रे,
हरी गुण गावो रे भाई,
राम नाम प्रताप सु थारी,
आवागमन मिट जाई हा।।

एक दिन झोलो बाजसी रे,
थोरी कली रे कली रूल जाई,
राम गुण गाओ रे भाई,
हरी गुण गावो रे भाई,
राम नाम प्रताप सु थारी,
आवागमन मिट जाई हा।।

गायक – जोगभारती जी & संत कन्हैयालाल जी।
प्रेषक – मनीष सीरवी
9640557818