ऐ राजारामजी मार्गियो बताया रे,
गुरू समझाया,
थे करलो सुकृत काम,
मानुष तन पाया।।
ऐ लख चौरासी ने काटे ने आया,
फैरा काटे ने आया,
अरे होसी जीव कल्याण,
प्रभु ने भजीयां।।
ऐ मती कर थुतो माया माया,
साथ में नही लाया,
नही आसी उपर साथ,
सुधारो काया।।
अरे सत्संग करलो सगला भाया,
सुनलो बहन भाया,
हरि भजनो सु होवो पार,
किर्तन करीया।।
ऐ पर निन्दा और छोड़ों,
चुगलियां बीरा छोडो़ बुराया,
बीरा विरथा समय गमायो,
झुठी हताया।।
ऐ शिकारपुरा रा संत विरला कहाया,
रे विरला कहाया,
बीरा भूद्राराम महिमा सुनाया,
महेंद्र बावतरा भजन बनाया।।
ऐ राजारामजी मार्गियो बताया रे,
गुरू समझाया,
थे करलो सुकृत काम,
मानुष तन पाया।।
Singer – Bhudraram Choudhary
लेखक – महेन्द्र सिंह बावतरा।
मो. 8503831005
