पगथलिया में खाज चाल रही,
खाटू जाणो है,
खाटू वाले श्याम धणी से,
हेत पुराणो है।।
मत ना रोको मत ना टोको,
म्हे तो खाटू जावांगा,
म्हाने बाबो श्याम बुलावे,
कइयाँ म्हे रुक पावांगा,
एक दूजे के घर में म्हारो,
आनो जाणो है,
खाटू वाले श्याम धणी से,
हेत पुराणो है।।
श्याम धणी का दर्शन करस्या,
दिल की प्यास बुझावांगा,
जी भर के बात करांगा,
अपणा हाल सुणावांगा,
बिन बोल्या ही समझे है यो,
बड़ो सयाणो है,
खाटू वाले श्याम धणी से,
हेत पुराणो है।।
जद जद जावा इतनो देवे,
झोली ही भर जावे है,
जो म्हे ल्याणो नहीं सका यो,
आकर के दे जावे है,
कमी नही भण्डार में इके,
भर्यो खजानो है,
खाटू वाले श्याम धणी से,
हेत पुराणो है।।
जग रूठे परवाह नहीं,
पर श्याम की किरपा बनी रवे,
म्हाने कोई फिकर नहीं,
जद सर पर श्याम सो धणी रवे,
‘बिन्नू’ माथो टेक चरण में,
श्याम रिझाणो है,
Bhajan Diary Lyrics,
खाटू वाले श्याम धणी से,
हेत पुराणो है।।
पगथलिया में खाज चाल रही,
खाटू जाणो है,
खाटू वाले श्याम धणी से,
हेत पुराणो है।।
Singer – Shubham Rupam
