रूणीचे रा धणिया,
अजमाल जी रा कँवरा,
माता मेणादे रा लाल,
राणी नेतल रा भरतार,
बाई सुगणा रा बिर,
म्हारो हेलो सुणो नी रामा पीर जी,
म्हारो हेलो सुणोनी रामा पीर जी।।
घर घर होवे पूजा थारी,
गाँव गाँव जस गावे जी,
जो कोई लेवे नाम धणी रो,
मन चाया फळ पावे जी,
रामसा पीर थारी,
ड्योढी पर शीश झुकावा,
मनड़े रा फूल खिलावा,
रूणीचे रा धणिया,
अजमाल जी रा कँवरा,
माता मेणादे रा लाल,
राणी नेतल रा भरतार,
बाई सुगणा रा बिर,
म्हारो हेलो सुणोनी रामा पीर जी।।
थे तो बाबा मालिक म्हारा,
म्हे हाँ थारा दास जी,
म्हां पर किरपा कीजो बाबा,
टाबर अपणा जाण जी,
कारज ने सुधारो बाबा,
घड़ी पलक री सासा,
बन्धावो म्हाने आशा,
रूणीचे रा धणिया,
अजमाल जी रा कँवरा,
माता मेणादे रा लाल,
राणी नेतल रा भरतार,
बाई सुगणा रा बिर,
म्हारो हेलो सुणोनी रामा पीर जी।।
दास करे अरदास पीर जी,
डसगयो काळो नाग जी,
मरतोड़ा ने जीव दान दो,
जीतां ने वरदान जी,
महिमा अपरम्पार थांरी,
धन धन भाग्य विधाता,
थाने घणी खम्मा अन्नदाता,
रूणीचे रा धणिया,
अजमाल जी रा कँवरा,
माता मेणादे रा लाल,
राणी नेतल रा भरतार,
बाई सुगणा रा बिर,
म्हारो हेलो सुणोनी रामा पीर जी।।
रूणीचे रा धणिया,
अजमाल जी रा कँवरा,
माता मेणादे रा लाल,
राणी नेतल रा भरतार,
बाई सुगणा रा बिर,
म्हारो हेलो सुणो नी रामा पीर जी,
म्हारो हेलो सुणोनी रामा पीर जी।।
Singer – Prakash Ji Mali
Upload – Parivesh Jain
8472096603
