म्हाने प्यारी लागे बिलाड़ा बडेर,
दोहा – बिलाडो बलिराज रो,
वटे आईजी रो धाम,
गंगा बेवे गोरवे,
कोई नितरा करो स्नान।
म्हाने प्यारी लागे बिलाड़ा बडेर,
बिराजे आई माताजी,
सबसु न्यारी लागे बिलाड़ा बडेर,
बिराजे आई माताजी,
माताजी ओ आई माताजी,
माताजी ओ आई माताजी,
म्हानें प्यारी लागे बिलाडा बडेर,
बिराजे आई माताजी।।
नगर बिलाड़ा मैया आप बिराजो,
नगर बिलाड़ा मैया आप बिराजो,
आया भगतों रा मैया कारज साजो,
आया भगतो रा मैया कारज सारो,
बैठा बैठा मैया शक्ति रा अवतार,
बिराजे आई माताजी,
बैठा बैठा मैया शक्ति रा अवतार,
बिराजे आई माताजी।।
बैल सवारी मैया लागे घणी प्यारी,
बैल सवारी मैया लागे घणी प्यारी,
मूरत भगतो रे मैया मनडे भायी,
मूरत भगतो रे मैया मनडे भायी,
एतो बाजे बाजे बैलीयो रे घूंगरमाल,
बिराजे आई माताजी,
एतो बाजे बाजे बैलीयो रे घूंगरमाल,
बिराजे आई माताजी।।
भादवी बीज रो मेलो जी लागे,
भादवी बीज रो मेलो जी लागे,
जगमग दिवला री ज्योता जी जागे,
जगमग दिवला री ज्योता जी जागे,
कोई बरसे बरसे केशर अपार,
बिराजे आई माताजी,
कोई दर्शन आवे लाखो नर नार,
बिराजे आई माताजी।।
सीरवी समाज मैया थाने मनावें,
सीरवी समाज मैया थाने मनावे,
माधवसिंह जी दिवान कहावे,
माधव सिंह जी दिवान कहावे,
मैया ध्यावे ध्यावे सारो जुग संसार,
बिराजे आई माताजी,
मैया ध्यावे ध्यावे सारो जुग संसार,
बिराजे आई माताजी।।
*मनीष सीरवी* मैया भजन बनावे,
मनीष सीरवी मैया भजन बनावे,
*सीरवी पुखराज* मैया थारा गुण गावे,
सीरवी पुखराज मैया भजन सुनावे,
मैया करजो करजो भवसागर सु पार,
बिराजे आई माताजी,
मैया करजो करजो भवसागर सु पार,
बिराजे आई माताजी।।
म्हानें प्यारी लागे बिलाडा बडेर,
बिराजे आई माताजी,
सबसु न्यारी लागे बिलाड़ा बडेर,
बिराजे आई माताजी,
माताजी ओ आई माताजी,
माताजी ओ आई माताजी,
म्हानें प्यारी लागे बिलाडा बडेर,
बिराजे आई माताजी।।
गायक – पुखराज जी सीरवी (चेन्नई)
लेखक / प्रेषक – मनीष सीरवी।
(रायपुर जिला ब्यावर राजस्थान)
9640557818
