मगरी उपर आप बिराज्या भेरु जी महाराज

मगरी उपर आप बिराज्या,
भेरु जी महाराज,
आसरो थाणो है,
ओ भरोसो थाणो है।।

गाव टांटोल रे माही देवल बण्यो है,
देवल बण्यो है धणी रो,
देवल बण्यो है,
आवे कई नरनार देवरे करे है पुकार,
आसरो थाणो है,
ओ भरोसो थाणो है।।

गाव खेड़ी सु दाता आप पधारिया,
आप पधारिया ओ दाता,
आप पधारिया,
लियो मगरी पर विश्राम बावजी,
मगरी पर विश्राम,
आसरो थाणो है,
ओ भरोसो थाणो है।।

भोपा जी हजुरिया जी,
थाको पाट सजावे,
पाट सजावे धणी रो,
पाट सजावे,
सेवा शनिवार आपके,
होवे जय जयकार,
आसरो थाणो है,
ओ भरोसो थाणो है।।

धर्मशाला देवल रे,
पास मे बणी है,
पास बणी है बाबा,
पास बणी है,
लम्बा चोडा चोक,
आपके चरणा लागा धोक,
आसरो थाणो है,
ओ भरोसो थाणो है।।

नीमडा री गेरी छाया,
लागे सुहाणी,
लागे या सुहाणी ओ भेरू जी,
लागे या रुपाली,
बैठा पवन कुमार चौक मे,
धोके नर और नार,
आसरो थाणो है,
ओ भरोसो थाणो है।।

हाथ जोड़कर ठाकुर आपने मनावा,
आपने मनावा बावजी,
आपने मनावा,
गावे लक्ष्मी लाल,
लाल यो शरणे आयो चाल,
आसरो थाणो है,
ओ भरोसो थाणो है।।

मगरी उपर आप बिराज्या,
भेरु जी महाराज,
आसरो थाणो है,
ओ भरोसो थाणो है।।

भजन प्रेषक – लक्ष्मी लाल सुथार
9772796108

वीडियो उपलब्ध नहीं है।
आप सभी से विनम्र निवेदन – कृपया बिना वीडियो लिंक के भजन अपलोड ना करे,
इससे केवल अपलोड करने वाले को पता रहता है की इस भजन को कैसे गाते है, अन्य को नहीं।
हमारा उद्देश्य प्रत्येक भजन प्रेमी की सहायता करना है।
भजन अपलोड कैसे करे, कैसे सर्च करे इस विषय में हमने हमारे YouTube चैनल पर एक विडियो अपलोड किया है कृपया वो जरुर देखें।