खेड़ा रा अवतारी दाता खेतेश्वर जी ने मनावु हो

खेड़ा रा अवतारी दाता,
खेतेश्वर जी ने मनावु हो,
बाह्मण कुल रा कोई मोटा देवता,
राजपुरोहित कुल में जामो,
पायो गुरुदेव हो,
खेड़ा सांचौर में जन्म आपरो।।

पिताजी कोई शेरसिंह जी,
मनडा में हरसाया हो,
माताजी शिंगारों लाड-लढ़ाविया,
बालपने में खेतेश्वर जी,
भक्ति किनी हद भारी हो,
माला फेरी हरि रे नाम री।।

मुकुंद घोड़ो सोवे दाता रे,
आप किनी असवारी हो,
भगत उभारन जुग में आविया,
आसोत्ररा में ब्रह्मधाम,
गुरुदेव बनाया भारी हो,
कीर्त महिमा जुग में मोखली।।

आप धनी अरदास गुरुजी,
सुनजो अरजी म्हारी वो,
ज्ञान ध्यान भक्ति देवजो,
इन कलयुग में एक आसरो,
खेतेश्वर गुरु दाता वो,
शरणे आयो री रक्षा राखजो।।

सिमरा धाने साचा मनसू,
आप बड़ा अवतारी हो,
इन कलयुग में पर्चा मोखला,
महेन्द्रसिंह जी राजपुरोहित,
महिमा ज़ोर बनाई हो,
कीर्त गवाई मोटे भाव सू।।