काली गाडी ऊंचा बंगला म्हाने तू ही दियो सांवरिया

घणी गरीबी देखि सांवरा,
पायौ कष्ट हजार,
थारै द्वारै आयौ जब सूं,
खूशियां मिली अपार,
थारी छायां थारी माया,
म्हारा सैठ रै सांवरिया,
काली गाडी ऊंचा बंगला,
म्हाने तू ही दियो सांवरिया।।

रौम रौम म बस्यौ सांवरा,
म्हारै थारौ नांम,
आज पढयौ ज्यूं पढतौ रीज्यौ,
म्हारौडो पैगाम,
थारौ सैवक थारौ चाकर,
म्हारा सैठ रै सांवरिया,
थारी छायां थारी माया,
म्हारा सैठ रै सांवरिया,
काली गाड़ी ऊँचा बंगला,
म्हांनै तू ही दियौ सांवरिया।।

सांवरा म्हारी जिंदगांणी में,
थारौ तगडौ रौल,
थारै शरणै आई पडयौ मैं,
म्हासै मूख सूं बौल,
ऊंचा मंगरा ऊंचा झण्डा,
म्हारा सैठ रै सांवरिया,
थारी छायां थारी माया,
म्हारा सैठ रै सांवरिया,
काली गाड़ी ऊँचा बंगला,
म्हांनै तू ही दियौ सांवरिया।।

मण्डफिया नंगरी माईंनै,
तगडौ थारौ खैल,
आछी आछी बैमारयां नै,
आप करया हौ फैल,
खाली झौली भरतौ रीज्यौ,
म्हारा सैठ रै सांवरिया,
थारी छायां थारी माया,
म्हारा सैठ रै सांवरिया,
काली गाड़ी ऊँचा बंगला,
म्हांनै तू ही दियौ सांवरिया।।

ठाट बाट सूं जींणै लाग्यौ,
हौ रही थारी महर,
सात जन्म भी नहीं छौढूं,
मैं सैवा आली लहर,
म्हारा सपणां म्हारा अपणां,
म्हारा सैठ रै सांवरिया,
थारी छायां थारी माया,
म्हारा सैठ रै सांवरिया,
काली गाड़ी ऊँचा बंगला,
म्हांनै तू ही दियौ सांवरिया।।

थारा रंग म रंग बैठयौ रै,
सच्चौ थारौ दास,
मस्तराम यूं लिखियौ थारी,
पूरण करतौ आस,
महिमा गावै ध्यान लगावै,
म्हारा सैठ रै सांवरिया,
थारी छायां थारी माया,
म्हारा सैठ रै सांवरिया,
काली गाड़ी ऊँचा बंगला,
म्हांनै तू ही दियौ सांवरिया।।

घणी गरीबी देखि सांवरा,
पायौ कष्ट हजार,
थारै द्वारै आयौ जब सूं,
खूशियां मिली अपार,
थारी छायां थारी माया,
म्हारा सैठ रै सांवरिया,
काली गाडी ऊंचा बंगला,
म्हाने तू ही दियो सांवरिया।।

Singer – Puran Gurjar Sukhamanad
+91 70142 62345