जोऊ जोऊ रामा थारी वाट,
वाट रे मारा लीलेरा धणी।।
आँधिया तो आवे थारे जातरी,
आँधिया ने दीजे बाबा आँख रे,
मारा लीलेरा धणी।।
लूला तो आवे थारे जातरी,
लूला ने तो पावा थे चलाव,
मारा लीलेरा धणी।।
कोडिया तो आया थारे जातरी,
कोडिया रो कलंक कटाय,
मारा लीलेरा धणी।।
बांजिया तो आवे थारे जातरी,
बांजिया रा पालनीय बंधाव रे,
मारा लीलेरा धणी।।
हरी रा चरणा में हरजी बोलिया,
जग जग चेतना में दीजे वास,
मारा लीलेरा धणी।।
जोऊ जोऊ रामा थारी वाट,
वाट रे मारा लीलेरा धणी।।
गायक और लेखक – धर्मेंद्र तंवर
मो. 9829202569
