जन्म दियो थारी माँ दुख देखियो,
एडो कलयुग आयो भाई रे,
जीनों जुग में दौरों रे,
पग पग माते पाप फेलग्यो,
समय आय ग्यो फोरो रे,
नेम धर्म तो लारे रह ग्या,
आयो पाप रो पोरो रे।।
कदर कायदा भुला दिया भाई,
एड़ों जमानों आयो रे,
इन कलयुग में मुख नहीं बोले,
भाई जोड़े जायो रे,
आंगन आई जावे है रोवती,
जोड़े जाई बायो रे।।
भूल गया सब काण कायदा,
इन कलयुग रे माई रे,
रीत बडेरा वाली भूलयो,
पर नारी वस माई रे,
कुटुंब कबीलों छोड़ ने बस ग्यो,
पर धरती में जाई रे।।
जन्म दियो थारी माँ दुख देखियो,
उन ने करदी पराई रे,
मावड़ली रो कर्ज भूलग्यो,
मां थने दुनिया बताई रे,
जे मायड़ रा पग धो पिवे,
फर्ज ना उतरे भाई रे।।
बूढ़ा हो गया है माँ बापू,
उनरो बनजो सहारो रे,
बुढ़ापे में आस है थारी,
मतना लीजे किनारों रे,
मगदास जी गुरुवर केवे,
जन्म सुधर जाई थारो रे,
राजू किशन गावे गुरु चरना,
नहीं भूलूं गुण थारो रे।।
Singer – Kishan Vaishnav & Raju Sen
99506 96484
