हो गऊ की सेवा करीयो रे,
हेर हिन्दू भाइयों मेरी बात,
हृदय में धरीयो रै।।
रोडां ऊपर हांडे जा सै,
फिका पड़ग्या नुर भाई,
रोग दोष तेरे सारे,
होज्यावं गे दूर भाई,
एक गऊ घर के अंदर,
पालनी जरूर भाई,
हेर गऊ माता दे पार तार,
बिल्कुल ना डरियो रै,
हो गऊ की सेवा करियो रै।।
हेर धर्म सनातन प चाले त,
घटती कोन्या श्यान भाई,
चोखट प ज साधु आज्या,
उसका राखो मान भाई,
एक रोटी एक रपिया,
करना चहिए दान भाई,
हेर माया का संसार कदे,
पैसे प ना मरयो रै,
हो गऊ की सेवा करियो रै।।
हेर उपनिषद और मनुस्मृति,
छः हों शास्त्र कहते है,
तेंतीस कोटी देवता ये,
सभी गऊ में रहते है,
सातों नाले अमृत आले,
गऊ माता में बहते है,
हेर बुद्धि होज्या तेज,
दूध पी पेटा भरियो रै,
हो गऊ की सेवा करियो रै।।
कामधेनु गऊ माता की,
परशुराम न सेवा ठाई,
सुरहा गऊ देवत्यां कै धोरै,
और के बताऊं भाई,
बौन्दीया सतीश कहता,
कृष्ण जी नै गऊ चराई,
हेर करो गऊ रक्षा बेसक,
शिश छतरियों रै,
हो गऊ की सेवा करियो रै।।
हो गऊ की सेवा करीयो रे,
हेर हिन्दू भाइयों मेरी बात,
हृदय में धरीयो रै।।
Singer – Satish Bondiya
9817256918
