आयो परनबा ने रंगीलो जोगी,
आयो परनबा ने,
गोरा थारी जान तो चढ़ी कांकड़ में,
रंगीलो जोगी आयो परनबा ने।।
तगड़ा दिख्या जान बाराती,
पाला आया कोनी लाया घोड़ा हाथी,
सल्ला लोढ़ी लिया रे हाथ में,
भांग रगड़वा ने,
गोरा थारी जान तो चढी कांकड में,
रंगीलो जोगी आयो परनबा ने।।
अरे जोगी हाथ लिया छे डमरू,
छम छम बाजे ये पगा में घुंघरू,
डगमग हाले नाड़ आ गयो,
हाथ पकड़बा ने,
गोरा थारी जान तो चढी कांकड में,
रंगीलो जोगी आयो परनबा ने।।
अरे बूढ़ा बिंद लटक री दाढ़ी,
जाके बीस रे बरस की लाड़ी,
हिमाचल का लोग लुगाया,
लाग्या बाता करबा ने,
गोरा थारी जान तो चढी कांकड में,
रंगीलो जोगी आयो परनबा ने।।
कैया थारे बाबुल के मन भायो,
वो तने जोगी के परनायो,
अब देखो मैया पार्वती लागी,
सजबा धजबा ने,
गोरा थारी जान तो चढी कांकड में,
रंगीलो जोगी आयो परनबा ने।।
माया महादेव की न्यारी,
परने हेमाचाल की प्यारी,
भगवान सहाय पर किरपा कर,
मिला दे चुनड वाली ने,
गोरा थारी जान तो चढी कांकड में,
रंगीलो जोगी आयो परनबा ने।।
आयो परनबा ने रंगीलो जोगी,
आयो परनबा ने,
गोरा थारी जान तो चढ़ी कांकड़ में,
रंगीलो जोगी आयो परनबा ने।।
Singer – Sukhdev Bharti Ji
Upload By – Kanhaiya Lal Dhakad
8440081181
