घिसतो रेऊँला सांवरा,
मैं थारी चौखट ने,
जब तक ना चमका देवे,
म्हारी फूटी किस्मत ने,
चाहे मार चाहे तार,
रेऊँला थाका चरणां में,
कठे जाऊँला सरकार,
छोड़ थाका चरणां ने।।
ले टिपण मैं जाऊं दानकी,
कोई पार नी पड़र्यो,
गलती काम रे आवे रोकड़ा,
लोन की किस्तां भरर्यो,
थे हो अन्तर्यामी,
जाणो म्हारी हकीकत ने,
थे हो अन्तर्यामी,
जाणो म्हारी हकीकत ने,
जब तक ना चमका देवे,
म्हारी फूटी किस्मत ने।।
हर अमावस आऊँ साँवरा,
थारा दर्शन ने,
धक्का घणा खाऊँ मैं,
भक्तां का जमघट में,
अतरी मेहनत करर्यो साँवरा,
अब तो देख ले,
अतरी मेहनत करर्यो साँवरा,
अब तो देख ले,
जब तक ना चमका देवे,
म्हारी फूटी किस्मत ने।।
म्हारे साथ जो बीत रही,
नी छानी खारा मूं,
तू जाण के अनजान बणे,
सांवरिया म्हारा मूं,
उम्मीद लगा कर बैठी,
म्हारी माँ म्हारा मूं,
घर की हालत खराब घणी,
कमाबा वालो मूँ,
दिल को कच्चो हूँ साँवरा,
रोय रोय जाऊँला मैं,
जब तक ना चमका देवे,
म्हारी फूटी किस्मत ने।।
घिसतो रेऊँला सांवरा,
मैं थारी चौखट ने,
जब तक ना चमका देवे,
म्हारी फूटी किस्मत ने,
चाहे मार चाहे तार,
रेऊँला थाका चरणां में,
कठे जाऊँला सरकार,
छोड़ थाका चरणां ने।।
Singer / Lyrics – Pankaj Rao
