दुख टालो भटीयाणी माँ दुख टालो,
ए हे दुख टालो ने हे दुख टालो ने,
भीड़ मार भागो माजीसा दुख टालो,
दुख टालों भटीयाणी माँ दुख टालो।।
हे मैया धोरां धरती मे धाम सोवे,
मैया धोरां धरती मे धाम सोवे,
हे थोरी मूरत प्यारी माँ मन मोवे,
थोरी मूरत प्यारी माँ मन मोवे,
ए हे कृपा करी ने कृपा करी ने,
दर्शन देवो माजीसा दुख टालो,
दुख टालों भटीयाणी माँ दुख टालो।।
ओ मैया भोग चढावु थोरे चूरमो,
मैया भोग चढावु थोरे चूरमो,
हे करू गाया रो घिरत वालो दिवलो,
हे करू गाया रो घिरत वालो दिवलो,
ए हे मै तो शिफल ने ओ मै तो शिफल ने,
चुनडी चढावु माजीसा दुख टालो,
दुख टालों भटीयाणी माँ दुख टालो।।
ए मै तो नव नव नोरता रा व्रत करीया,
मै तो नव नव नोरता रा व्रत करीया,
हे मै तो माजीसा भटीयाणी रा ध्यान धरीया,
मै तो माजीसा भटीयाणी रा ध्यान धरीया,
ए हे थारा देवल माँ थारा देवल माँ,
ज्योतो जगावु माजीसा दुख टालो,
दुख टालों भटीयाणी माँ दुख टालो।।
ए मैया दूरा देशारा दर्शन आवे,
मैया दूरा देशारा दर्शन आवे,
ओ माजी भगतो सदा थारा गुण गावे,
माजी भगत सदा थारा गुण गावे,
ए हे थारा चरना माँ थारा चरना माँ,
शिश नमावु माजीसा दुख टालो,
दुख टालों भटीयाणी माँ दुख टालो।।
दुख टालो भटीयाणी माँ दुख टालो,
ए हे दुख टालो ने हे दुख टालो ने,
भीड़ मार भागो माजीसा दुख टालो,
दुख टालों भटीयाणी माँ दुख टालो।।
गायक – चुन्नीलाल जी राजपुरोहित।
प्रेषक – मनीष सीरवी
9640557818
