दो रोटी टैम पै दिए जा बाबा,
मने पेट भराई की,
तेरा आशीर्वाद बना रहै,
लोड ना घनी कमाई की।।
दुनिया मांगै धन दौलत,
मैं मांगू प्यार तेरा,
तेरी एक झलक नै तरसै बाबा,
सेवादार तेरा,
ना चाहिए कोठी बंगले,
इच्छा तेरी भगताई की,
तेरा आशीर्वाद बना रहै,
लोड ना घनी कमाई की।।
भक्ति ते बढ़कै दुनिया में,
ना दूजी माया सै,
झूठे जगह की मोह माया नै,
जग भरमाया सै,
ना पड़ण दिए परछाई तू,
कदे बुराई की,
तेरा आशीर्वाद बना रहै,
लोड ना घनी कमाई की।।
नेक नियत तै काम करू,
कुछ ना बईमाने मैं,
सब्र का फल मिठ्ठा हो सै,
मनैं सुणा जमाने में,
डगर पकड़ ली बाबा,
मनैं भगती राही की,
तेरा आशीर्वाद बना रहै,
लोड ना घनी कमाई की।।
सच्चे मन तै भजन करे,
कृष्ण जुएं आला,
संतोष भगतनी कै लोभ नही,
करा जीत में पाला,
मंजीत ज्ञान जो दैवे,
जरूरत इसी कविताई की,
तेरा आशीर्वाद बना रहै,
लोड ना घनी कमाई की।।
दो रोटी टैम पै दिए जा बाबा,
मने पेट भराई की,
तेरा आशीर्वाद बना रहै,
लोड ना घनी कमाई की।।
गायक – श्री कृष्ण जुंआ वाले।
9813297388
प्रेषक – विजय सोनी।
9896945003
