धोरां धरती माय धणी रो,
मिन्दर बनीयो भारी,
दूर देश सु आवे जातरी,
दर्शन ने नर नारी,
चरणा मे धोक ओ,
चरणा मे धोक लगावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
धोली धोली ध्वजा धणी रे,
देवरे फहरावे,
दुखीया रा दातार रामदेव,
नेजो हाथ धरावे,
कोढिया रा कोढ मिटावे जी,
ओ रामा कोढिया रा कोढ झडावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
थाने तो ध्यावे आखी मारवाड़ ओ,
बाबा गुजरात ओ,
अजमालजी रा कंवरा।।
लीले री सवारी बाबो,
भालो हाथ धरावे,
रूनीचा रे मार्ग बाबो,
घोडलीयो घुमावे,
भगता ने दर्श ओ,
भगता ने दर्श दिखावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
भादरवा मे मेलो लागे,
सारी दुनिया आवे,
राम सरोवर माई नावे,
रोग सब मिट जावे,
भगता रा मन हर्षावे जी ओ,
भगता रा मन हर्षावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
थाने तो ध्यावे आखी मारवाड़ ओ,
बाबा गुजरात ओ,
अजमालजी रा कंवरा।।
दूर दूर सु पैदल थारा,
भक्त घनेरा आवे,
खांदा पर कपडा रो घोडो,
ध्वजा हाथ धरावे,
नाचे गावे धूम मचावे जी,
ओ बाबा नाचे गावे धूम मचावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
निर्धनीया ने रामदेवजी,
माया घणी दिरावे,
बांजडीया ने बेटा देवे,
सुणी गोद भरावे,
पांगलीया ने पाव ओ,
पांगलीया ने पाव दिरावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
थाने तो ध्यावे आखी मारवाड़ ओ,
बाबा गुजरात ओ,
अजमालजी रा कंवरा।।
पीरा रो है पीर रामदेव,
भगता रो हितकारी,
जात पात रो भेद मिटायो,
बाबो लीलाधारी,
प्रेम रो मार्ग बतायो जी ओ,
प्रेम रो मार्ग बतायो जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
कैलाश दान पर किरपा करने,
बाबो दर्श दिखावे,
नेतलदे ने सागे लेने,
बाबो वेगा आवे,
भवजल पार ओ,
भवजल पार उतारे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया,
थाने तो ध्यावे आखी मारवाड़ ओ,
बाबा गुजरात ओ,
अजमालजी रा कंवरा।।
धोरां धरती माय धणी रो,
मिन्दर बनीयो भारी,
दूर देश सु आवे जातरी,
दर्शन ने नर नारी,
चरणा मे धोक ओ,
चरणा मे धोक लगावे जी,
अजमालजी रा कंवरा,
खम्मा खम्मा ओ म्हारा,
रूनीचे रा धणीया।।
गायक – प्रकाश माली जी।
प्रेषक – मनीष सीरवी।
(रायपुर जिला पाली राजस्थान)
9640557818
