दे दे झोला रे श्याणी मने,
दे दे झोला,
हरिद्वार मैं जाऊंगा,
ओड़े भेठया संकर भोले।।
तू मांगी थी हाथ जोड़ मेरे,
मन की चाही होंगी,
कावड़ लाया जोड़े की,
मेरी तुरत सगाई होंगी,
मांगी थी तू हाथ जोड़ के,
घर मे था घणा रोला।।
आशीर्वाद दिया बाबा ने,
खूब खेलियों खाइयो,
दोनों शुक ते रहियो रै,
गंगा मे डुबकी लाइयो,
बम बम के ज्यकारे लाईओ,
होगा भाग यों सोला।।
मने बतादे तेरी खातर,
के के से दिखे लाना,
सबते पहलम कावड़ ठाके,
मने जल चढ़ाना,
कंठी माला के के चाहिए,
के कंगना का जोड़ा।।
शिव शम्भू के दर्श करा कह,
गाम धर्मखेड़ी आला,
सामन आया करली तयारी,
लई भोले की माला,
नशे पते की करदो ताला,
‘पवन’ फिरे क्यू भोला।।
दे दे झोला रे श्याणी मने,
दे दे झोला,
हरिद्वार मैं जाऊंगा,
ओड़े भेठया संकर भोले।।
Writer / Singer – Pawan Dharmkhedi
Mob. 8814810192
