दादा पितर महाराज भक्त तेरे तनैं बुलावै हो

दादा पितर महाराज,
भक्त तेरे तनैं बुलावै हो।।

तेरे भगतां नै जोत जगाई,
हलवा खीर दादा हमनै बनाई,
तू आकै भोग लगाजया हो,
दादा तनैं जीमावै हो,
दादा पित्तर महाराज,
भक्त तेरे तनैं बुलावै हो।।

तेरे नाम के पाठ करावा,
पांचो वस्त्र तेरे मंगावा,
तू आकै पैहर दिखाइए हो,
दादा तनै पैहरावां हो,
दादा पित्तर महाराज,
भक्त तेरे तनैं बुलावै हो।।

दरबारां मै आणां होगा,
भगतां का कहण पुगाणा होगा,
म्हारे सिर पै धरदे हाथ हो,
दादा तनै मनावां हो,
दादा पित्तर महाराज,
भक्त तेरे तनैं बुलावै हो।।

जोगिंदर नै तेरा सहारा,
तेरे नाम की फेरै माला,
तू इसका मान बढ़ाइए हो,
दादा गुण तेरे गारया हो,
दादा पित्तर महाराज,
भक्त तेरे तनैं बुलावै हो।।