भोम्या जी थांका नाम को,
दोहा – भोम्या जी न बंदगी,
पसर करूं प्रणाम,
दुखड़ा सबका काट बाबा,
पुर्ण करज्यो काम।
भोम्या जी थांका नाम को,
लाग्यो उमाओ जी,
थाने भगत बुलावे बेगा आओ जी।।
छतराणी का जाया थांकी,
अजब अनोखी माया,
लड्या लडाई रण भारत म,
दानविर थर्राया,
थे तो दानवा न मार गिराओ जी,
थाने भगत बुलावे बेगा आओ जी।।
घोड़ा धोला की असवारी,
थांकी सुरत लाग प्यारी,
कडीया कटारो शोव बाबा,
सेल हाथ म भारी,
थेतो साफो सफ़ेद बंन्दाओ जी,
थाने भगत बुलावे बेगा आओ जी।।
बांझड्ल्या न बेटा देवो,
मतना देर लगाओ,
जात झडुला आव बाबा,
रुच रुच भोग लगाओ,
थे तो खीर पुआ खा जाओ जी,
थाने भगत बुलावे बेगा आओ जी।।
मंगल गाव कामण्या जी,
कन्चन करज्यो काया,
थांका दर्शन खातीर बाबा,
आव लोग लुंगाया,
थे तो दर्शन देता जाओ जी,
थाने भगत बुलावे बेगा आओ जी।।
भगत कर भगताई थांका,
बिणद लाड लगाव,
देवरा प धोली ध्वजा,
लहर लहर लहराता,
थे तो इतना मत तरसाओ जी,
थाने भगत बुलावे बेगा आओ जी।।
धोली गद्दी उपर बाबा,
सांचा परच्या देओ,
अर्जुन लाल महिमा गाव,
संकट दुर हटाओ,
थे तो भोमराज पर खुश हो जाओ जी,
थाने भगत बुलावे बेगा आओ जी।।
भोमिया जी थांका नाम को,
लाग्यो उमाओ जी,
थाने भगत बुलावे बेगा आओ जी।।
गायक – अर्जुन चान्दोलिया।
9799893290
https://youtu.be/uumRewypKWU
