भले भवानी चान्दन री रे,
चौदस ने माँ ब्राह्मणी माता,
चौदस ने बाजा तो चित्तौड़ बाजिया ओ।।
भले भवानी ही थारा ने सेवकिया,
हमी राज भवानी
थारा ने सेवकिया मंदिर में,
वाटा जोवता ओ जियो,
भले भवानी चान्दण री रे,
चौदस ने माँ ब्राह्मणी माता,
चौदस ने बाजा तो चित्तौड़ बाजिया ओ।।
भले भवानी हमी चित्तौड़ री,
धरती पे ये ब्राह्मणी माता,
चित्तौड़ री धरती पे,
माँ ब्राह्मणी रो देवरो ओ जियो,
भले भवानी दूर रा ने देशा रे राज भवानी,
दूर रा देशा रे,
आवे घना नर मानवी ओ जियो।।
भले रे भवानी हमी थारा रे,
मंदिरया में राज भवानी,
थारा तो रे मंदिर में भोपा तो,
वाटा जोवता ओ जियो,
भले भवानी हंस री रे असवारी,
ओ राज भवानी,
हंस री रे असवारी,
अरे आवो ब्रह्माणी मावड़ी ओ जियो।।
भले भवानी ढोल ने ये,
नगाड़ा बाजे राज भवानी,
ढोल ने ये नगाड़ा बाजे,
मंदिर माय ने ओ जियो,
भले भवानी नव रे रात्रि में,
वेगा आवो राज भवानी,
नव रे रात्रि में वेगा आवजो,
गरबे तो रमजो आय ने जियो।।
भले भवानी हमी थारा ने,
पुजारी ये ब्रह्मणि माता,
थारा रे पुजारी मंदिर में,
करता आरती ओ जियो,
भले भवानी भक्ता री,
हितकारी ये राज भवानी,
भक्ता री ये हितकारी,
आवो ब्रह्माणी मावड़ी ओ जियो।।
भले भवानी हमी माली भुरजी,
थाने पूजे ओ ब्रह्मणि माता,
माली रे भुरजी थाने पूजे,
कानजी कहिजे लाडला ओ जियो,
भले भवानी दीपोनी परिवार,
थाने ध्यावे राज भवानी,
दीपोनी परिवार थाने ध्यावे,
गहलोत वंस थाने पूजता ओ जियो।।
भले भवानी चान्दन री रे,
चौदस ने माँ ब्राह्मणी माता,
चौदस ने बाजा तो चित्तौड़ बाजिया ओ।।
गायक – श्याम पालीवाल जी।
भजन प्रेषक – श्रवण सिंह राजपुरोहित।
सम्पर्क – +91 90965 58244
