भक्तां में एक भक्त बड़ा,
बताया बाबा का,
भक्त शिरोमणि गुरु मुरारी,
छाया बाबा का।।
जयकरण का पुत प्यारा,
मां सूरती का लाल,
खाटूश्याम और बाला जी ने,
खूब करया खुशहाल,
खूब सै नाम चलाया रंग यो,
छाया बाबा का,
भक्त शिरो मणि गुरु मुरारी,
छाया बाबा का।।
आलू सिंह संत का चेला,
समचाने में धाम,
कई हजार सै चेले तेरे,
नाम रटै सुबह-शाम,
लारे डेरे गाम,
हो प्रचार बाबा का,
भक्त शिरो मणि गुरु मुरारी,
छाया बाबा का।।
ढांड गाम दरबार लगावै,
तेरा सेवक प्यारा,
अनिल भगत ने गुरू मुरारी,
तेरा एक सहारा,
नरेश जांगड़ा गाएं जा सै,
गुणगान बाबा का,
भक्त शिरो मणि गुरु मुरारी,
छाया बाबा का।।
भक्तां में एक भक्त बड़ा,
बताया बाबा का,
भक्त शिरोमणि गुरु मुरारी,
छाया बाबा का।।
Singer – Naresh Jangra Budhakhera
9896847800
