भभूती रमाये बाबा भोलेनाथ आए,
भोले नाथ आए बाबा डमरू बजाए,
भभूती रमाए बाबा भोले नाथ आए।।
सखी एक बोली मैया बाहर पधारो,
आयो एक बाबा दिखे बड़ो मतवारो,
भिक्षा देयीके कहदो आसन पधारो,
भिक्षा देयीके कहदो आसन पधारो,
भभूती रमाए बाबा भोले नाथ आए,
भोले नाथ आए बाबा डमरू बजाए।।
धरी थार कंचन को मैया सिधारी,
नमन करीके मैया वचन उचारी,
आशीष दीजे बाबा सुखी भये मुरारी,
आशीष दीजे बाबा सुखी वे मुरारी,
भभूती रमाए बाबा भोले नाथ आए,
भोले नाथ आए बाबा डमरू बजाए।।
बोले भोले बाबा मैया आशीष लीजे,
किन्तु एक हेतु मैया सिद्ध करिजे,
लायी के लाला हमरे हाथ धरीजे,
लायी के लाला हमरे हाथ धरीजे,
भभूती रमाए बाबा भोले नाथ आए,
भोले नाथ आए बाबा डमरू बजाए।।
बोली मैया बाबा म्हारो लाला डरी जईहे,
भेष थारो देखि बाबा रोने लगी जईहे,
याही ते बोलूं तोकु बात मान लईहे,
याही ते बोलूं तोकु बात मान लईहे,
भभूती रमाए बाबा भोले नाथ आए,
भोले नाथ आए बाबा डमरू बजाए।bd।
बोले भोले बाबा मैया यहाँ ते ना जाउंगो,
अन्न जल छोड़ी मैया आसान जमाऊंगो,
जोगी हठ होती क्या है आज मैं दिखाउंगो,
जोगी हठ होती क्या है आज मैं दिखाउंगो,
भभूती रमाए बाबा भोले नाथ आए,
भोले नाथ आए बाबा डमरू बजाए।bd।
अलख निरंजन कहिके आसन जमायो,
त्रिशूल गाड़ी भूमि डमरू बजायो,
देखि के प्रीती घर में लाला लजायो,
देखि के प्रीती घर में लाला लजायो,
भभूती रमाए बाबा भोले नाथ आए,
भोले नाथ आए बाबा डमरू बजाए।bd।
रुदन करिबे लागे मैया दौड़ी आई,
लालन उठइके मैया ह्रदय लगाईं,
टोना करयो है काहू मन में ये आई,
टोना करयो है काहू मन में ये आई,
भभूती रमाए बाबा भोले नाथ आए,
भोले नाथ आए बाबा डमरू बजाए।bd।
भभूती रमाये बाबा भोलेनाथ आए,
भोले नाथ आए बाबा डमरू बजाए,
भभूती रमाए बाबा भोले नाथ आए।।
स्वर – पूज्य श्री रमेश भाई ओझा।
प्रेषक – विनय गौतम।
+919179832723
