बाबा पहलो पाट,
अलख जी रो मंडियो,
लाग्यो घनो री उमाओ,
कलश थरपना करो धनिया रो,
सुगरा साध बुलाओ,
धजाबंद गावा राज बधाओ।।
कदीयक बालक बाबा,
कदयक बूढ़ा,
पल पल रूप बनाओ,
हो बालक अजमल घर आया,
नित उठ पर्चा पाओ,
धजाबंद गावा राज बधाओ।।
लीले घोड़े कर असवारी,
बाबा भक्ता रै घर आवो,
दै परिक्रमा पाये लागा,
चरणा मै भक्त रमआओ,
धजाबंद गावा राज बधाओ।।
आंधा ने बाबो देवे रै आँखिया,
कोढिया रो कलंक झड़ावो,
बांझिया ने पुत्र देवे,
सबकी आस पुराओ,
धजाबंद गावा राज बधाओ।।
चंद्रो बारठ सरण सतगुरू री,
अलख धनी ने धायलो,
सब की बेड़ी बाबो पार लगावे,
अजमल जी रो जायो,
धजाबंद गावा राज बधाओ।।
बाबा पहलो पाट,
अलख जी रो मंडियो,
लाग्यो घनो री उमाओ,
कलश थरपना करो धनिया रो,
सुगरा साध बुलाओ,
धजाबंद गावा राज बधाओ।।
गायक – हरिराम चालिया।
9928558251
