अर्जी लेने आयो मावड़ी,
जसोलगढ दरबार,
जसोल री धणियाणी माजीसा,
म्हारी सुणो पूकार।।
नित उठ थारो नाम जपूं मां,
जसोलगढ री राय जी,
रोम रोम में आप बसया हो,
हरदम हिरदा माय,
अरजी लेने आयो मावडी,
जसोलगढ दरबार।।
मनङा में विश्वास आपरो,
भली भटियाणी मात जी,
सेवक ऊपर छाया राखजो,
जसोलगढ सरकार,
अरजी लेने आयो मावडी,
जसोलगढ दरबार।।
घणी खम्मा मां भटियाणी सा,
आवो आगंणिए माय जी,
मैया आवो भाग जगावो,
घणी कंरा मनुहार,
अरजी लेने आयो मावडी,
जसोलगढ दरबार।।
रातिजोगो देवो आपरो,
चांदनी तेहरस री रात जी,
घूमर रमता आवो माजीसा,
रखियो सिर पर हाथ,
अरजी लेने आयो मावडी,
जसोलगढ दरबार।।
दास खेराज री बिनती मां,
गुङिया शरण रे माय जी,
जोगाराम प्रजापत गावे,
थारे भरोसे नांव,
अरजी लेने आयो मावडी,
जसोलगढ दरबार।।
अर्जी लेने आयो मावड़ी,
जसोलगढ दरबार,
जसोल री धणियाणी माजीसा,
म्हारी सुणो पूकार।।
Singer – Jogaram Prajapat
Upload – Mool Giri
8000725265
