आओ ये सातू बहना आओ,
घुघट में घुमर घालो,
म्हारी राजराण्या ऐ,
घुघट में घुमर घालो,
म्हारी राजराण्या ऐ।।
आओ ये बिजासण महारानी,
इंद्रगढ़ ने पूजवाई,
म्हारी राजराण्या ऐ।।
आओ ये बाई संतरा आओ,
सामोदा में नीर बहाई,
म्हारी राजराण्या ऐ।।
सुणजो जी कमला बाई सुणजो,
आमेरा झूला झूले,
म्हारी राजराण्या ऐ।।
नैना बाई रूणझुण करती आजो,
थे परियां बाग पूजवाई,
म्हारी राजराण्या ऐ।।
बड़ पीपल में फुलां बाई बिराजे,
थे मंद मंद मुस्काओ,
म्हारी राजराण्या ऐ।।
आओ ये केसर बाई आओ,
फुला में हस्ती डोले,
म्हारी राजराण्या ऐ।।
नाचो ये गूंगी गेल्या नाचो,
थाने भवानी गुर्जर गावे,
म्हारी राजराण्या ऐ।।
आओ ये सातू बहना आओ,
घुघट में घुमर घालो,
म्हारी राजराण्या ऐ,
घुघट में घुमर घालो,
म्हारी राजराण्या ऐ।।
गायक – भवानी सिंह गुर्जर।
09929990990
