आकेली में आशापुरा री ज्योत जागे,
नाडोल री धनीयानी म्हारी,
आशापुरा महारानी,
सिंह री सवारी मैया प्यारी लागे,
अरे नाडोल धनीयानी मैया,
आकेली बिराजे,
भगतो रे मैया लीला लहर करे,
आकेली मे आशापुरा री ज्योत जागे।।
अरे रायपुर तहसील में,
गांव आकेली है प्यारो,
बेरा सुगालीया में,
मैया रो धाम सोवे,
अरे आकेली सु सगला भगत,
हिल मिल जावे,
अरे नाडोल सु माताजी री,
अखण्ड ज्योत लावे,
आकेली मे आशापुरा री ज्योत जागे।।
अरे ज्येष्ठ कृष्ण पक्ष री,
छठ आ आवे,
अरे ज्येष्ठ वदी छठ रो,
शुभ दिन आवे,
अरे गाजा बाजा सु,
प्राण प्रतिष्ठा होवे,
अरे गणेश जी रे संग,
भोलेनाथ जी बिराजे,
अरे आईजी रे संग,
हनुमान जी बिराजे,
दीन दुखियों रा कष्ट हरे,
आकेली मे आशापुरा री ज्योत जागे।।
अरे सूरज सामी धाम,
प्यारो घणो लागे,
अरे लाल ध्वजा,
असमान लहरावे,
आरतियां निज धाम होवे,
अरे सोनाला रा भेरुजी ने,
संग माई लावो,
कारज भगतो रा मैया,
पल में सारे,
आकेली मे आशापुरा री ज्योत जागे।।
अरे चौहान वंश री,
कुल धनीयानी,
भोला भगतों रे,
मैया भेली रेवे,
अरे बगदारामजी सीरवी,
थारे चरना मे आवे,
तेजाराम जी सीरवी,
थारे चरना मे आवे,
आशापुरा माताजी ने,
निवन करे,
आकेली मे आशापुरा री ज्योत जागे।।
अरे राजूराम जी दिनेश जी,
सीरवी आवे,
अरे रमेश जी सीरवी,
सोनू शरने आवे,
चोयल परिवार,
मैया अरज करे,
नाडोल री धनीयानी,
बेडो पार करे,
अरे रायपुर सु,
‘मनीष सीरवी’ आवे,
मनीष सीरवी कलम चलावे,
‘बबलू सोनू’ मैया रा गुण गावे,
आकेली में आशापुरा री ज्योत जागे,
आकेली मे आशापुरा री ज्योत जागे।।
Singer – Bablu Ji Ankiya & Sonu Ji Kanwar
Lyrics – Manish Sirvi (Raipur Dist Beawar Rajasthan)
9640557818
