दादा पितर चाल घरा,
तेरा न्योता देवण आया,
हलवा पूरी खीर बणी,
तेरा पोता लेवण आया,
ओ दादा चाल चाल चाल,
ओ दादा चाल चाल चाल।।
पांचो कपड़े देऊंगा दादा,
लिए माथे लाकै,
तेरे चरणों म शीश झुकाऊं,
दोनों हाथ लपाकै,
देव म्हारे के दर्शन होज्यां,
आनंद होज्या काया,
हलवा पूरी खीर बणी,
तेरा पोता लेवण आया,
ओ दादा चाल चाल चाल,
ओ दादा चाल चाल चाल।।
धोला बाणा तन प साजै,
हाथ म डोगा ले ले,
म्हारे घर का थाणेदार तू,
मुछां कै ताव नै देले,
सारे कुणबे क चाव चढ़ा स,
मैं तेरे थान प आया,
हलवा पूरी खीर बणी,
तेरा पोता लेवण आया,
ओ दादा चाल चाल चाल,
ओ दादा चाल चाल चाल।।
आसौज के म काढैं सैं,
कनागत पित्र जी,
हवा औपरी आण दिऐ,
ना बाहर भीतर की,
ठंडा बणकै रहिए दादा,
चाहिए ना धन माया,
हलवा पूरी खीर बणी,
तेरा पोता लेवण आया,
ओ दादा चाल चाल चाल,
ओ दादा चाल चाल चाल।।
फौजी बिजेंद्र गेल चालिऐ,
नहाण करैं पिण्डारा,
ज्योत जगा कै अमावस के दिन,
भोग धरया स थारा,
सुबह सयाम तेरा ध्यान धरुं,
मनै तेरा ध्यान जमाया,
हलवा पूरी खीर बणी,
तेरा पोता लेवण आया,
ओ दादा चाल चाल चाल,
ओ दादा चाल चाल चाल।।
दादा पितर चाल घरा,
तेरा न्योता देवण आया,
हलवा पूरी खीर बणी,
तेरा पोता लेवण आया,
ओ दादा चाल चाल चाल,
ओ दादा चाल चाल चाल।।
गायक – मुकेश शर्मा।
प्रेषक – गजेन्द्र स्वामी कुड़लण।
9996800660
