अब तो आजा रे सांवरा,
अब तो आजा रे,
सांवरिया म्हारा गरीबा के,
बेगो आजा रे।।
मंडफीया मज मेवाड़ बिराज्या,
सांवरिया सरकार,
भगत गणा ये दुर दुर सु,
आवे है दरबार,
भगता री या अटकी गाड़ी,
पार लगाजा रे,
साँवरिया मारा गरीबा के,
बेगो आजा रे।।
सोना रा थारे महल मालिया,
सोना रा दरबार,
मोटा मेहला आप विराजो,
सांवरिया सरकार,
टुटी झोपड़ी मारी सांवरा,
छपरो छा जा रे,
साँवरिया मारा गरीबा के,
बेगो आजा रे।।
भगता रे कारण सांवरिया,
नाना रूप धराय,
कदी कीशनो खाती,
कदी नाई बण जाय,
करमाबाई का खिचडला को,
भोग लगाजा रे,
साँवरिया मारा गरीबा के,
बेगो आजा रे।।
भोला भगत की लाज राखज्यो,
सांवरिया सरकार,
थारो ही सहारों सांवरा,
ना दुजो करतार,
दास देव की डुबतडी ने,
पार लगा जा रे,
साँवरिया मारा गरीबा के,
बेगो आजा रे।।
अब तो आजा रे सांवरा,
अब तो आजा रे,
सांवरिया म्हारा गरीबा के,
बेगो आजा रे।।
गायक – देव शर्मा आमा।
8290376657
