मारा सांवरिया सरकार,
थाने वंदन बारंबार,
सांवरा हेलो म्हारो सुणज्यो जी,
सांवरिया मारा हेलो मारो सुणज्यो जी।।
मंडफीया मज मेवाड़ बिराज्या,
भगता रा रखवाला,
भगता हीत सांवरिया मारा,
नाना रूप धराया,
हो भगता लागे भीड़ अपार,
थारी महिमा अपरंपार,
साँवरा हेलो मारो सुणज्यो जी,
सांवरिया मारा हेलो मारो सुणज्यो जी।।
उचो आसन सोना वालों,
बागा सोना वाला,
अधर धरा मुरली मन भावे,
गले वेजंती माला,
हो थारी होवे जय जयकार,
मारा सांवरा सरकार,
साँवरा हेलो मारो सुणज्यो जी,
सांवरिया मारा हेलो मारो सुणज्यो जी।।
भगत गणा दुरा सु थारे,
आवे पाला पाला,
गाड़ी घोड़ा गीणती कोनी,
भरीया है भंडारा,
हो निकले रूपया लाख करोड़,
थे हो भगता रा सिरमोर,
साँवरा हेलो मारो सुणज्यो जी,
सांवरिया मारा हेलो मारो सुणज्यो जी।।
हरदम राखो सरणा माही,
सुणज्यो मारा सांवरा,
ऐसो वर दिज्यो मारा दाता,
हर पल थाने सिवरा,
हो थारो देव गायो जोड,
थोड़ी दो चरणों में ठोड,
साँवरा हेलो मारो सुणज्यो जी,
सांवरिया मारा हेलो मारो सुणज्यो जी।।
मारा सांवरिया सरकार,
थाने वंदन बारंबार,
सांवरा हेलो म्हारो सुणज्यो जी,
सांवरिया मारा हेलो मारो सुणज्यो जी।।
गायक & लेखक – देव शर्मा आमा।
8290376657
