मीठो मीठो भोग लगावो नन्द जी लाला रे

मीठो मीठो भोग,
लगावो नन्द जी लाला रे,
दूध लाई हूं गोरी गाय रो,
सांवरा दूध लाई हूं गोरी गाय रो।।

नन्द जी थारे बाबा लागे,
यशोदा थारे मैया रे,
बलदाऊ थारे भैया लागे,
राधा थारे राणी रे.
जन्म लियो है गोकुल गांव में,
सांवरा जन्म लियो है गोकुल गांव में,
मीठों मीठों भोग,
लगावो नन्द जी लाला रे।।

मोर मुकुट पीताम्बर सोहे,
गल वैजन्ती माला रे,
काना में थारे कुण्डल सोवे,
मुख पर सोवे मुरली रे,
मुरली री टेर सुणावजो,
सांवरा मुरली टेर सुणावजो,
मीठो मीठों भोग,
लगावो नन्द जी लाला रे।।

दहीड़ो बिलीयो माखन काढ़यो,
मिश्री रो भोग लगायो रे,
माता यशोदा करे आरती,
सखियां मंगल गायो रे,
बंसी टेर सुणावजो,
सांवरा बंसी री टेर सुणावजो,
मीठों मीठों भोग,
लगावो नन्द जी लाला रे।।

बैठ क़दम पर बंसी बजावे,
गऊंआ दौड़ी आवे रे,
ग्वाल बाल थारे संग मे आवे,
और भगता री टोली रे,
झांकी रा दर्शन देवजो,
सांवरा झांकी रा दर्शन देवजो,
मीठों मीठों भोग,
लगावो नन्द रा लाला रे।।

नेम न जाणू प्रेम न जाणू,
नहीं पूजा नहीं पाठ रे,
दूध कटोरों भरयो सामने,
पीवण री काई लाज रे,
हाथ जोड़ ने करूं विनती,
सांवरा हाथ जोड़ ने करूं विनती,
मीठों मीठों भोग,
लगावो नन्द जी रा लाला रे।।