करता दंडोता आवे,
भगत थारे दर्शन ने आवे,
करता दंडोता आवें,
भगत थारे दर्शन ने आवे,
मोतीया वाली माता थारी,
ओ मोतीया वाली माता थारी,
जय जयकार सुनावे,
करता दंडोता आवें,
भगत थारे दर्शन ने आवे।।
जोगीदा मे जन्म लियो थे,
माजीसा महारानी,
जोगीदा मे जन्म लियो थे,
माजीसा महारानी,
जोगराज सिंह पिता आपरा,
जाणे दुनिया सारी,
जोगराज सिंह पिता आपरा,
जाणे दुनिया सारी,
नाम स्वरूप कंवर कन्या रो,
ओ नाम स्वरूप कंवर कन्या रो,
पंडितजी बतलावे,
करता दंडोता आवें,
भगत थारे दर्शन ने आवे।।
जसोल नगरी राठौडा घर,
थारो लगन लिखायो,
जसोल नगरी राठौडा घर,
थारो लगन लिखायो,
नाम कल्याण सिंहजी राजा,
आप भलो वर पायो,
नाम कल्याण सिंहजी राजा,
आप भलो वर पायो,
गाजा बाजा साथे मैया ओ,
गाजा बाजा साथे मैया,
जसोल गढ मे आवे,
करता दंडोता आवें,
भगत थारे दर्शन ने आवे।।
पुत्र रतन धन पायो मैया,
लालसिंह कहलायो जी,
पुत्र रतन धन पायो मैया,
लालसिंह कहलायो जी,
रानी देवली करी इर्ष्या,
जहर लाल ने पायो जी,
रानी देवली करी इर्ष्या,
जहर लाल ने पायो जी,
पुत्र वियोग मे रानी स्वरूपा,
ओ पुत्र वियोग मे रानी स्वरूपा,
देह त्याग कर जावे,
करता दंडोता आवें,
भगत थारे दर्शन ने आवे।।
दमामी ने परचो दीनो,
पायल चुडलो पायो जी,
दमामी ने परचो दीनो,
पायल चुडलो पायो जी,
माजीसा भटियाणी थारो,
नर नारी जश गायो जी,
माजीसा भटियाणी थारो,
नर नारी जश गायो जी,
जसोल वाली माजीसा ने,
ओ जसोल वाली माजीसा ने,
चार खुट मे ध्यावे,
करता दंडोता आवें,
भगत थारे दर्शन ने आवे।।
करता दंडोता आवे,
भगत थारे दर्शन ने आवे,
करता दंडोता आवें,
भगत थारे दर्शन ने आवे,
मोतीया वाली माता थारी,
ओ मोतीया वाली माता थारी,
जय जयकार सुनावे,
करता दंडोता आवें,
भगत थारे दर्शन ने आवे।।
गायक – मोईनुद्दीन जी।
प्रेषक – मनीष सीरवी।
(रायपुर जिला पाली राजस्थान)
9640557818
https://youtu.be/XIeYFHBFlrA
