आओ भेरूजी जी मतवाला थे भगता का रखवाला

आओ भेरूजी जी मतवाला,
थे भगता का रखवाला,
थाने सुमरा गोरा काला,
अब संकट का करो टाला,
बाबो छम-छम छम-छम,
चामटी घुमावे स हाय,
बाबा भगत खड़ा दरवाज़ा,
देर क्युं लगावे स।।

तर्ज – मने पल पल (हरियाणवी)

दुर दुर का बाबा,
थाकं जातरी आया है,
दुखड़ा सु हारीया,
दादा आश लगाया है,
आओ शिव शंकर का लाला,
सोवे त्रिशूल हाथ मे भाला,
पिओ मदीरा भर-भर प्याला,
साजे गल मुन्डन की माला,
बाबो छम-छम छम-छम,
चामटी घुमावे स हाय,
बाबा भगत खड़ा दरवाज़ा,
देर क्युं लगावे स।।

करल्यो श्वान सवारी,
टेम घड़ी जावे हे,
ई देवरा पे खडी दुखियारी,
घणी मनावें है,
बाबा मंगल कामण्या गारी,
थाकीं खुब करें मनुहारी,
थाने पुजे दुनिया सारी,
ल्याव जात जडुला भारी,
बाबो छम-छम छम-छम,
चामटी घुमावे स हाय,
बाबा भगत खड़ा दरवाज़ा,
देर क्युं लगावे स।।

थारी ध्वजा लहर लहरावे,
शान बढावे हे,
ताज़ा महक ईतर की आवे,
मनडो लुभावें हे,
थारों मन्दिर सुन्दर लागे,
बाबा जग-मग जोतां जागे,
माता कंकाली थार सागे,
थारां डर से भुतण्या भागे,
बाबो छम-छम छम-छम,
चामटी घुमावे स हाय,
बाबा भगत खड़ा दरवाज़ा,
देर क्युं लगावे स।।

थारा दास करे भगताई,
तबला बजावे हे,
दादा राखों महर सदाई,
सेवक रिझावै हे,
खत अर्जुन माली गावे,
थार चरणा शिश निवावे,
माता जगदम्बा ने ध्यावे,
बाबा ज्ञान गुरां से पावे,
बाबो छम-छम छम-छम,
चामटी घुमावे स हाय,
बाबा भगत खड़ा दरवाज़ा,
देर क्युं लगावे स।।