तनै याद करें स तेरी चर्चा होरी,
तनै आना होगा सबल सिंह बोरी।।
क्यूँ देर करै स तेरी बाट निहारु,
तु बोल पड़े न मै रुके मारु हो,
तेरी ज्योत प किसी जगमग होरी,
तनै आना होगा सबल सिंह बोरी।।
तेरी सिगरेट लादी क्यूँ करै वार स,
धरे पांच लाडू तेरा भोग त्यार स,
मनै देसी घी की भरी र कटोरी,
तनै आना होगा सबल सिंह बोरी।।
हो नागे गुरु का तु चेला प्यारा,
कांधे दूनाली तेरा रूप स न्यारा हो,
तेरी कीरपा बिन मेरी किस्मत सोरी,
तनै आना होगा सबल सिंह बोरी।।
इस मदनसिंह क एक मर्ज़ स,
करै मुकेश शर्मा दयालु अर्ज़ स,
बस तेरे हाथ मैं सौंपू जीवन डोरी,
तनै आना होगा सबल सिंह बोरी।।
तनै याद करें स तेरी चर्चा होरी,
तनै आना होगा सबल सिंह बोरी।।
गायक – मुकेश शर्मा।
प्रेषक – दीपक सोनी।
9255910203
