हे री शमशाना तै आजा मां दरबार म

हे री शमशाना तै आजा,
मां दरबार म,
संगत सारी बैठी,
तेरे इंतजार म,
करदे श्यान मां काली,
मेरे इस परिवार म।।

तर्ज – कुछ तो है सरकार।

यू संकट घणा अनाड़ी,
मनै ठा ठाकै पटकै,
तेरा लाल मां काली,
तेरे दर्शन बिन भटकै,
तेरे बिना कोई ना,
मेरा इस संसार म,
करदे श्यान मां काली,
मेरे इस परिवार म।।

हे री जब-जब पाप बढ़या स,
तनै पाप मिटाया मां
दुष्टों को मिटाने खातिर,
तनै खप्पर ठाया मां,
लेकै भोग काटै रोग,
मां तू शनिवार न,
करदे श्यान मां काली,
मेरे इस परिवार म।।

तू कदसी आवै मैया,
मै तेरे बिन मर जाऊं,
तेरे सिवा ना कोई मेरा,
बता और किधर जाऊं,
करो दया मेरी मां,
मेटो तकरार न,
करदे श्यान मां काली,
मेरे इस परिवार म।।

गुरु राजेन्द्र शर्मा न,
मां तेरी ओट स,
सुनील कुमार लदानियां,
खाएं बैठया चोट स,
खोया रहूं मां काली,
मै तेरे प्रचार म,
करदे श्यान मां काली,
मेरे इस परिवार म।।