पतडो खोल बता जोशी का,
म्हारे कद नारायण आसी,
नारायण आसी रे,
कद म्हारे राम जी आसी।।
साडू माता गुजरी वो,
रोवे ढल ढल रोज,
ऐ जोशी जी रोवे ढल ढल रोज,
अरे बड बगड़ावत छोड़ गया रे,
मन सुनी रै गोठा मात,
पतड़ो खोल बता जोशी का,
म्हारे कद नारायण आसी।।
साडू माता गुजरी ओ,
पूछे बारंमबार,
जोशी बाबा पूछे बारंमबार,
दौर जठाणा सती रे होगी,
रेगी रे साढू मात,
पतड़ो खोल बता जोशी का,
म्हारे कद नारायण आसी।।
साडू माता गुजरी ओ,
पूछे बारंमबार,
जोशी बाबा पूछे बारंमबार,
अरे मारी भक्ति मे काई कमी रे,
कदे रे जोशी आज,
पतड़ो खोल बता जोशी का,
म्हारे कद नारायण आसी।।
अरे हिरालाल की विनती रे,
सुणजो साढू मात,
खटाणी सुणजो साढू मात,
अरे कृपा किज्यो दर्शन दिज्यो,
जगतारण मारी मात,
पतड़ो खोल बता जोशी का,
म्हारे कद नारायण आसी।।
पतडो खोल बता जोशी का,
म्हारे कद नारायण आसी,
नारायण आसी रे,
कद म्हारे राम जी आसी।।
गायक – हिरालाल पोसवाल।
7340545978
