ओ तो रूणिचा में लाग्यो टेलीफोन,
भगता से बाबो बात करे।।
ईक नंबर मे जगी भावना,
ह्रदय कलम हरसायो,
दूजो नंबर ध्यान लगायों,
मन मे निश्चय आयो,
तीजा नंबर मे आई डायल टुन,
भगता सु बाबो बात करे।।
चोथों नंबर रखो सबूरी,
यो आदेश सुनायो,
पांचवो नंबर भगति भाव सु,
बाबा न बुलवायो,
छट्टो नंबर मनडो तोड़न,
लाग्यो मोन,
भगता सु बाबो बात करे।।
सातवो नंबर कलस थर्पियो,
मुर्तिया बिठलाई,
आठवो नंबर रामधणी की,
साँची ज्योत जगाई,
जम्मो जागण जगायो सारी रात,
भगता सु बाबो बात करे।।
न्यूवो नंबर भगति भाव सु,
गावे है गोपालो,
जीरो नंबर मे बेठ्यो है,
राम रूनीचे वालों,
इनके आगे सारी बाता होगई मोन,
भगता सु बाबो बात करे।।
ओ तो रूणिचा में लाग्यो टेलीफोन,
भगता से बाबो बात करे।।
गायक – गोपाल सोनी रतनगढ़।
