म्हारा श्याम सिंगोली वाला

काला पण गणा रूपाला,
म्हारा श्याम सिंगोली वाला,
श्याम सिंगोली वाला,
मानें लागो गणा रूपाला,
काला पण गणा रूपाला,
मारा स्याम सिंगोली वाला।।

केसर बरणो रूप ठाकुर जी,
बागा सोना वाला,
हाथा में सोहै भाला,
मारा स्याम सिंगोली वाला,
हाथा में सोहै भाला,
मारा स्याम सिंगोली वाला।।

शीश मुकुट पितांबर सोहै,
गले वेजंती माला,
कुंडल चमके काना वाला,
मारा स्याम सिंगोली वाला,
कुंडल चमके काना वाला,
मारा स्याम सिंगोली वाला।।

जुलणी पे राम रेवाड़ी,
जुले छेल छोगाला,
थारे उडे़ रंग गुलाला,
मारा स्याम सिंगोली वाला,
थारे उडे़ रंग गुलाला,
मारा स्याम सिंगोली वाला।।

देव थारा भजन बणावे,
फेरे थारी माला,
चरणां राखो ठाकुर मारा,
स्याम सिंगोली वाला,
चरणा राखो ठाकुर मारा,
मारा स्याम सिंगोली वाला।।