मीरा रा महाराज पधारो

मीरा रा महाराज पधारो,
मंडफिया रा सरकार पधारो,
आवो सेठ मारा दिन दयाल,
भगता सामी अब तो नाल,
दास गरीब की सुणले पुकार।।

भीड पडी रे थारा ई दास में,
कोई ना आवे मारा रे पास में,
धन माया नहीं मारा रे पास में,
हु थारे चरणा रो दास में,
मीरा रा महाराज पधारों,
मंडफिया रा सरकार पधारों।।

दुख सुख माई थाने ध्याऊ,
था बिन सांवरा किने सुणाऊ,
मारे खातीर देर लगावे,
ओ निरमोही सर्म ना आवे,
मीरा रा महाराज पधारों,
मंडफिया रा सरकार पधारों।।

पार लगाणी बिगड़ी बणाणी,
थे जाणो हो मारी कहाणी,
दास देव ने कुछ नहीं आवे,
भजन बणावे थाने रिजावे,
मीरा रा महाराज पधारों,
मंडफिया रा सरकार पधारों।।