मालानी में ज्योत जगाय गयी,
मां भटियानी पुजवाय गयी,
म्हारी मायड़ मोत्यावाली,
मैया जग री पालनहारी,
भगता रे कारण,
जोगीदा में जन्म लियो,
आया जसोल गढ़ में,
भगता रो कल्याण कियो।।
जोगराज सिंह जी घर जन्मीया,
मां कन्या रुप में आया,
मां पुत्री रुप में आया,
पद्मादे लाड लडाया,
मां पालनीये हुलराया,
ओ मां पालनीये हुलराया,
भादरवा सतम् ने आय गया,
गुड़ नगर नगर बंटवाय रया,
ए सखियां मंगला गावे,
सारो भाटी कुल हर्षावे,
बांच टिपनो ब्राह्मण,
स्वरुपा कंवर नाम दियो,
आया जसोल गढ़ में,
भगता रो कल्याण कियो।।
मैया परण जसोल पधारीया,
राठौडी वंश हर्षाया,
ओ राठौड़ी कुल हर्षाया,
आंगन में खुशियां लाया,
मां लाल सिंह ने हुलराया,
ओ मां लाल बन्ना ने हुलराया,
सावन री तीज आ आय गयी,
ए स्वरुपा झूलन झूल रही,
मन कपट देवड़ी रे आवे,
आवे दूध में जहर मिलावे,
छल कपट सु लाल बन्ना ने,
देवड़ी मार दियो,
आया जसोल गढ़ में,
भगता रो कल्याण कियो।।
ढोली जी जोगीदा सु आया,
माजीसा पर्चों बताया,
ओ माजीसा पर्चों बताया,
चुनड रो दान कराया,
सगला यु अचरज लाया,
ओ सगला घणो अचरज लाया,
मां भक्ति रो भाव जगाय गया,
मां दुखड़ा सबरा दुख दूर किया,
मां मन्दिर बनियों भारी,
जटे मूरत लागे प्यारी,
मोत्यावाली रो नाम,
जगत में गूंज रयो,
आया जसोल गढ़ में,
भगता रो कल्याण कियो।।
भादवा री तेरस आवे,
जटे मेलो जोर भरावे,
ओ जटे मेलो जोर भरावे,
आरतीया री वेला आवो,
मां भगतो ने दर्शन दिखावो,
मां भगतो ने दर्शन देवो,
मां लाल बन्ना संग आय रया,
मां सवाई सिंह जी संग आय रया,
मां बायोसा ने संग लावो,
मां सबरी सहाय करावो,
हेलो सुनता ही पल में,
मैया आजई जो,
आया जसोल गढ़ में,
भगता रो कल्याण कियो।।
माजीसा रा परचा भारी,
ज्यारी किरत जग में न्यारी,
ओ ज्यारी किरत जग में न्यारी,
मैया कलयुग री अवतारी,
मां भगतो री रखवाली,
ओ मैया भगतो री रखवाली,
थारी लीला रो कोई पार नही,
थां बिन भगता रो कोई नहीं,
ओ ‘मनीष सीरवी’ आवे,
‘माली दिनेश’ गुण थारा गावे,
म्हारी डूबत नैया,
भवसु मैया तार लिजो,
आया जसोल गढ़ में,
भगता रो कल्याण कियो।।
मालानी में ज्योत जगाय गयी,
मां भटियानी पुजवाय गयी,
म्हारी मायड़ मोत्यावाली,
मैया जग री पालनहारी,
भगता रे कारण,
जोगीदा में जन्म लियो,
आया जसोल गढ़ में,
भगता रो कल्याण कियो।।
गायक – दिनेश जी माली नागौर।
लेखक – मनीष सीरवी।
रायपुर जिला ब्यावर राजस्थान।
9640557818
