मैया री तेरा बगड़ में सजै दरबार

मैया री तेरा बगड़ में,
सजै दरबार,
मेहर तेरी कट्ठा,
होया परिवार,
मैया री तेरा बगड़ म्ह,
सजै दरबार।।

बनड़ी सी सजगी धरती,
तेरी पावन ज्योत लरजती,
हम तेरे चलाएं चाल्लैं,
जो होरया तू खुद करती,
मैया री तेरा,
भेद ना जाणै संसार,
मेहर तेरी कट्ठा,
होया परिवार,
मैया री तेरा बगड़ म्ह,
सजै दरबार।।

तेरे बालक नाचैं गावैं,
आवण की खुशी मानवैं,
तनै दया करी म्हारे पै,
तेरा क्यौकर कर्ज चुकावैं,
मैया री तनै,
करया बड़ा उपकार,
मेहर तेरी कट्ठा,
होया परिवार,
मैया री तेरा बगड़ म्ह,
सजै दरबार।।

तू धन्य है महामाई,
तनै म्हारी श्यान बढा़ई,
सब देवी देवता लेकै,
आज म्हारे आंगण आई,
मैया री तेरी,
गुंजैं जय जयकार,
मेहर तेरी कट्ठा,
होया परिवार,
मैया री तेरा बगड़ म्ह,
सजै दरबार।।

तेरे पूजूं चरण भवानी,
सदा राखिए शरण भवानी,
त्यागै ना गजेन्द्र स्वामी,
कदे अपणा परण भवानी,
मैया री तेरा,
लक्की शुक्रगुजार,
मेहर तेरी कट्ठा,
होया परिवार,
मैया री तेरा बगड़ म्ह,
सजै दरबार।।