गजानन आओ पधारो,
म्हारे आंगणे,
आंगणे, आंगणे,
म्हारी दादी जी को,
माँ झुंझनवाली को,
म्हारी दादी जी को,
लाग्यो है दरबार गजानन,
आओ पधारों म्हारे आंगणे।।
तर्ज – सांवरा एक दिन तो आज्यो।
थे आज्यो रिद्धि सिद्धि ने ल्याजो,
पार्वती के लाल,
प्रथम निमंत्रण दियो आपणे,
कर लीज्यो स्वीकार,
गौरा पार्वती ने,
हो शंकर पार्वती ने,
गौरा पार्वती में,
लेता आज्यो साथ गजानन,
आओ पधारों म्हारे आंगणे।।
खाटू वाले श्याम धणी ने,
सागे लेता आज्यो,
हनुमान ने सालासर से,
बेगा बेगा ल्याजो,
ल्याजो रामदेव ने,
हो ल्याजो रामदेव ने,
ल्याजो रामदेव ने,
रुनीचै से साथ गजानन,
आओ पधारों म्हारे आंगणे।।
जीण माता शाकम्भरी माँ,
राणीसती ने ल्याजो,
घर का देव पितर पितरानी,
जीने भूल ना जाज्यो,
लेता आज्यो म्हारी,
हो लेता आज्यो म्हारी,
कुलदेवी ने साथ गजानन,
आओ पधारों म्हारे आंगणे।।
गजानन आओ पधारो,
म्हारे आंगणे,
आंगणे, आंगणे,
म्हारी दादी जी को,
माँ झुंझनवाली को,
म्हारी दादी जी को,
लाग्यो है दरबार गजानन,
आओ पधारों म्हारे आंगणे।।
Singer – Madhuri Madhukar
Upload By – Sarthak
