चोंच बनाबा वालो,
चुगो देवेलो हरी,
चिंता छोड़ दे परी,
भजन कर ले।।
चिंता मत कर चतुर नर,
या हरी थरपना ठेट,
पहली रुजक बनायो राम जी,
पछे बनायो पेट,
भजन कर ले।।
दादो दुबदिया में दबे,
काडो रखज्ये मन,
पूरण वालो पुरसी,
अमल तम्बाकू अंत,
भजन कर ले।।
दादू दुनिया बावरी,
सोच करे नर गेली,
रोटी देसी राम जी,
दिन ऊगा से पेली,
भजन कर ले।।
शक्कर खोरो रेवे पत्थर में,
अजगर करे ना काम,
कीड़ी ने कण हाथी ने मण,
देवे दाता राम,
भजन कर ले।।
हजार हाथा हजार आख्या,
वालो वो गणधारी,
वाका का लम्बा हाथ वेरिया,
राख भरोसो भारी,
भजन कर ले।।
चोंच बनाबा वालो,
चुगो देवेलो हरी,
चिंता छोड़ दे परी,
भजन कर ले।।
गायक – जगदीश जी वैष्णव मूंगाणा।
प्रेषक – विजय सिंह।
महाकाल लाइव प्रस्तुति।
7425927673
