छम छम घूघरा,
जखोड़ा बाजे जोर का,
नीले री सवारी आवे,
लागे घणा फुटरा,
अर र र र घूमे रे,
जखोड़ा थारो घोडलो।।
साडू मा रा लाडला,
पर्चा देव जोर का,
भक्ता री आवाज सुन,
आवे बाबा दौड़ता,
अर र र र आवे रे,
साडू मा रा लाडला।।
पैदल पैदल जावस्या,
बाबा रा गुण गावस्या,
जखोड़ा रा थान माथे,
धोक लगावस्या,
अर र र र आवे री,
पैदल थारे यात्री।।
भक्त घनेरा आवे,
शीश नवावता,
पाला पाला आवे बाबा,
गुण थारा गावता,
अर र र र घूमे री,
भगता र हेले घोड़लो।।
लक्ष्मण सपेरा थारा,
भजन बनावता,
लीलाधर अवाना गुण नरेंद्र गावता,
अर र र र गावे रे,
सपेरा थारो घोड्लो,
अर र र र गावे रे,
दिनेश थारो घोड़लो,
अर र र र गावे रे,
अजय थारो घोड़लो,
अर र र र गावे रे,
श्रवण थारो घोड़लो।।
छम छम घूघरा,
जखोड़ा बाजे जोर का,
नीले री सवारी आवे,
लागे घणा फुटरा,
अर र र र घूमे रे,
जखोड़ा थारो घोडलो।।
गायक / प्रेषक – लक्ष्मण सपेरा।
9460811852
