आओ आओ म्हारा,
कृष्ण कन्हैया,
भगत बुलावे रे,
साँवरा बेगा आओ रे।।
पहलो अनर्थ है दुनिया में,
गऊ माता दुःख पावे रे,
बूढी हुया सार ना लेवें,
मेले बिकावे रे,
साँवरा बेगा आओ रे।।
दुज्यो अनर्थ है दुनिया में,
बुढा ने प्रणावे रे,
बुढा ने रे सर बाँधे सेवरा,
लोग हसावे रे,
साँवरा बेगा आओ रे।।
तिज्यो अनर्थ है दुनिया में,
कन्या बेच नर खावे रे,
कन्या रा धन खावण वाला,
नरगा जावे रे रे,
साँवरा बेगा आओ रे।।
रघुवंशी और यदुवंशी का,
सब कोई छतर बतावे रे,
दास जाण कृपा कियो वो,
जस मीराबाई गावे रे,
साँवरा बेगा आओ रे।।
आओ आओ म्हारा,
कृष्ण कन्हैया,
भगत बुलावे रे,
साँवरा बेगा आओ रे।।
Singer – Om Mundel
Upload – Ghanshyam
9667059873
