जसोल नगरी में आप बिराजो माजीसा भटियानी जी

जसोल नगरी में आप बिराजो,
माजीसा भटियानी जी,
कलयुग माई परचा भारी,
कलयुग माई परचा भारी,
दर्शन आवे नर नारी,
जसोल नगरी मे आप बिराजो।।

ओ जोगीदास में जन्म धरायो,
भाटी कुल रे माई जी,
परण पधारीया राठौडा घर,
परण पधारीया राठौड़ा घर,
स्वरूप कंवर बाई जी,
जसोल नगरी मे आप बिराजो।।

ओ उजियाली तेरस ने माजीसा,
भगत दर्शन आवे जी,
ढोल नगाड़ा बाजे नोपत,
ढोल नगाड़ा बाजे नोपत,
आरतियां नित होवे जी,
जसोल नगरी मे आप बिराजो।।

ओ खेजडले री छाया विराजो,
मायड़ मोत्यावाली जी,
धाम लागे अति सोवनो माजीसा,
धाम लागे अति सोवनो माजीसा,
मूरत मनडे भावे जी,
जसोल नगरी मे आप बिराजो।।

ओ सवाई सिंह जी लाल बन्ना सा,
माजीसा ने मनावु जी,
साचा मन सु जो नर सुमिरे,
साचा मन सु जो नर सुमिरे,
मन इच्छा फल पावे जी,
जसोल नगरी मे आप बिराजो।।

ओ दास खेराज पे किरपा कीजो,
गुड़िया चरना माई जी,
स्वरुप जांगिड़ पे छाया राखजो,
टाबर चरना माई जी,
ओ *मनीष सीरवी* कलम चलावे,
मनीष सीरवी कलम चलावे,
*रणजीत* चरना मे गावे जी,
जसोल नगरी मे आप बिराजो।।