मां काली आजा दरबार म्ह,
तेरा लाड़ला बैठया स माँ,
तेरे इंतजार म्ह।।
क्यूकर तनै मनाऊं महिमा गाकै,
सभा बीच म दर्शन दे दिए आकै,
भोग लगा मां एक बार आकै,
आज शनिवार न,
तेरा लाडला बैठया स मां,
तेरे इंतजार म्ह।।
लाल जीभ तेरी सब तै रूप निराला,
पांव में घुघरू गल मुंडो की माला,
मेरी किस्मत का खोल दे ताला,
मां सुणले पुकार न,
तेरा लाडला बैठया स मां,
तेरे इंतजार म्ह।।
बजरंग भैरव करै मां सेवा थारी,
तेरे दर्शन की आश लगी मां भारी,
मुर्दे की चढ़कै आ मां सवारी,
म्हारे परिवार म्ह,
तेरा लाडला बैठया स मां,
तेरे इंतजार म्ह।।
गुरु राजेन्द्र प नजर मेहर की मां करदे,
भगतों के मां आज भण्डारे भर दे,
आज सभा म तू मां वर दे,
तेरे सुनील कुमार न,
तेरा लाडला बैठया स मां,
तेरे इंतजार म्ह।।
मां काली आजा दरबार म्ह,
तेरा लाड़ला बैठया स माँ,
तेरे इंतजार म्ह।।
गायक & लेखक – सुनील कुमार लदानियां।
99961-23336
