अखियन कजरा,
सोहे फूल गजरा,
मैया मोहनी रूप धरे,
माथ म बिंदिया,
गोड़ म बिछिया,
लाली-लाली फूल चढ़े,
मैया मोहनी रूप धरे।।
सोन के बाली,
लुगरा हे लाली,
करे रखवाली,
माँ चण्डी काली,
आरुग कलशा,
फूलवा परसा,
पावे माहुर लाल फभे,
मैया मोहनी रूप धरे।।
कनिहा करधन,
चुरी तोरे खन-खन,
कुमकुम चन्दन,
तोरे जग वन्दन,
सोहनी सुरतिया,
छवि मन बसिया,
दरस ले सब के भाग जगे,
मैया मोहनी रूप धरे।।
अखियन कजरा,
सोहे फूल गजरा,
मैया मोहनी रूप धरे,
माथ म बिंदिया,
गोड़ म बिछिया,
लाली-लाली फूल चढ़े,
मैया मोहनी रूप धरे।।
गायक – अनुज शर्मा।
प्रेषक – मनमोहन साहू।
6268046938
